嘉義一月日收57萬片臭羶龜仔卵 今停止補助
林緯廷 / 嘉義報導
發布時間：
更新時間：
嘉義縣用來收荔枝臭腥龜仔卵片的預算，已經用甲盡磅。毋過今年荔枝、龍眼的花開甲誠好，閣拄著洘旱，予荔枝臭腥龜仔有誠好的生長環境，就有學者呼籲民眾，毋通因為無補助就暫停防治作業。
路邊凊采一段樹椏，就會當揣到20位臭羶龜仔生卵的所在。這馬當是荔枝、龍眼開花的時間，閣加上無落雨，蓋適合臭羶龜仔生湠。
嘉義縣荔枝、龍眼種植面積大約有1千6百公頃左右，其中1千4百公頃已經有透過化學防治澍藥仔，另外嘛有使用生物防治閣收購卵片，但是今年的數量，確實比舊年閣較濟。
農民表示，路邊有一寡龍眼樹，因為無澍藥仔，湠了歸欉攏是。這馬補助取消，驚就無人會主動去防治
學者佮政府單位嘛呼籲，臭羶龜仔毋但是農業的病蟲害，若湠入去社區，嘛會造成誠濟問題，希望民眾莫因為無補助，就暫停臭羶龜仔的防治。
路邊凊采一段樹椏，就會當揣到20位臭羶龜仔生卵的所在。這馬當是荔枝、龍眼開花的時間，閣加上無落雨，蓋適合臭羶龜仔生湠。
嘉義縣荔枝、龍眼種植面積大約有1千6百公頃左右，其中1千4百公頃已經有透過化學防治澍藥仔，另外嘛有使用生物防治閣收購卵片，但是今年的數量，確實比舊年閣較濟。
農民表示，路邊有一寡龍眼樹，因為無澍藥仔，湠了歸欉攏是。這馬補助取消，驚就無人會主動去防治
學者佮政府單位嘛呼籲，臭羶龜仔毋但是農業的病蟲害，若湠入去社區，嘛會造成誠濟問題，希望民眾莫因為無補助，就暫停臭羶龜仔的防治。
