臺中區農改場捒智慧補光 提升文心蘭品質

臺灣有真濟文心蘭攏外銷,舊年因為疫情,外銷的價數真歹。臺中農改場最近開發一種智慧的補光系統,會使自動偵測天氣佮光線,來控制開電火和關電火的時間,會當幫農民來減少電錢,也提升品質。

一蕊一蕊黃錦錦的文心蘭,嘛有人因為花的外型共號做「跳舞的姑娘」,臺灣一年的產量總共是大約6100萬枝,其中9成攏是外銷到日本去,是臺灣真重要的經濟作物作物。毋過文心蘭嘛真gau5因為寒流抑是日頭光無夠,來影響著品質,往過攏是農民家己依照經驗來點電火補光,這馬臺中區農改場推出智能補光系統,通自動監測氣候條件、控制補光。

農民以往會佇9月至11月的主要產期,文心蘭開始發穎的時陣,共花栽的芽鉸掉,予伊重新發穎成長,通好共產期延長到2月。

用這項系控制補光,通提升延長產期了後的文心蘭的等級,幫助農民通趁3月、4月價數上好的時陣,增加愈濟收入。

另外,這項系統來控制補光,嘛會當愈精確、愈省電,一方面幫助農民增加收入、猶閣通減少成本。雖然這馬這項系統干焦佇臺中的外埔佮后里試驗,毋過臺中區農改場嘛希望未來會當閣共推廣到其他地區,幫助閣較濟各地的文心蘭農民。

全台敬老金大調查

相關新聞