促轉會公告25搭不義遺址 迫害史就藏佇生活中

二二八事件滿74冬,促轉會開記者會公告第一批的不義遺址,其中有25個所在,親像臺北市天馬茶房、基隆港等等,攏佮228事件有牽連。

大稻埕天馬茶房頭前,想著228事件就會想著遮是私菸案的爆發點。28這日促轉會對外公告全台灣第一批不義遺址,遮也包括在內。其他所在嘛攏參228事件相關連。

第一批公告的25位不義遺址分做七大類型,譬如講:彼當時軍警攻擊民眾的地點、擲屍體的所在。促轉會透過調查檔案文件、史料,初步確認是威權統治時期大規模侵害人權的所在,閣再經過專家諮詢、審查等等程序來完成清單。

促轉會講,公佈不義遺址的目的,就是欲予外界了解歷史。遮的所在透過「我佇人權揣路」的APP嘛會當揣著,app內底已經有收46位,包括審定公告,猶閣當咧進行審定作業的不義遺址。促轉會預計5月底閣再公佈第二批的不義遺址,主要是參白色恐怖時期有關係的地點。

 

全台敬老金大調查

相關新聞