印尼天主教堂爆炸14人傷 懷疑是自殺炸彈攻擊

印尼南蘇拉威西省錫江市,一間天主教堂今仔早起疑似發生炸彈攻擊。

一間好好的厝雄雄爆炸,大火佮白煙隨衝出來,雺煙散霧。這段畫面疑似錄著,爆炸彼當陣的情形。根據紐約時報報導,爆炸發生進前,有兩个人騎摩托車想欲衝入去教堂,予工作人員閘落來。這層事件,無排除是自殺炸彈攻擊,現場有揣著懷疑是炸彈客的身屍,而且上無有14个信徒受傷。
 

相關新聞

專題|全台敬老金大調查