AZ疫苗22開始注，民調公司台灣社會調查所頂禮拜三、拜四對全台灣1千外位20歲以上的民眾做調查，發現 44.2%的民眾會看總統若有先注，就願意綴咧注、若衛福部長陳時中先注，有43.6%會綴，行政院長蘇貞昌有39.1%。
楊志良認為雖然應該愛醫護優先，毋過總統tshuā-thâu注，是必要的，伊舉例像拜登佮過去每一任美國總統攏是公開閣翕相。另外，伊也建議陳時中應該愛成立獨立委員會」，對有不良事件發生時做調查。
調查也問著民眾若有機會會當佇未來一禮拜注AZ疫苗，干焦有24.5%的人表示願意來注，會考慮其他歐美廠牌來注的有27.4%，另外，對敢欲引進中國製的疫苗？有46.4%認為是政治操作，無應該引進；有37.4％認為只要證明疫苗有效，就應該進口。
若是國產疫苗，楊志良嘛講，國外疫苗攏是愛通過緊急授權，而且完成三期試驗，國產疫苗若干焦完成第二期的試驗，伊毋但袂去注，閣會tshuā人去衛福部抗議。
