嘉義228事件74年展 受難家屬說鄒族部隊真相
林緯廷 / 嘉義報導
發布時間：
更新時間：
嘉義市二二八紀念文教基金會， 今咧舉辦二二八74週年的展覽。公開嘉義地區佇228事件當中，予政府要求愛自新自首的名單。而且閣邀請白色恐怖受難者高一生的後生高英傑到現場分享。
壁堵頂面滿滿的名單，除了紀錄in的年歲，住址，閣有當初佇二二八事件當中，所做的代誌。計共387人，就是二二八事件當中，嘉義地區被政府要求自新自首的名單。這內底嘛真有可能是後來白色恐怖的受害者。
為著欲予民眾了解鄒族部隊佮二二八事件的關係，甚至是後來白色恐怖的迫害，主辦單位嘛邀請白色恐怖受難者高一生的後生高英傑來做分享。伊表示，佇遮的自新自首名單當中，嘛有in鄒族當初落來支援的人，會當揣著這个資料，對in來講是真重要。
這改的活動是配合國家人權博物館佇二二八事件74週年的系列活動，除了欲揣出閣較濟當初予政府掩崁被暗崁的真相，嘛希望會當還受難者佮in的家屬清白。
壁堵頂面滿滿的名單，除了紀錄in的年歲，住址，閣有當初佇二二八事件當中，所做的代誌。計共387人，就是二二八事件當中，嘉義地區被政府要求自新自首的名單。這內底嘛真有可能是後來白色恐怖的受害者。
為著欲予民眾了解鄒族部隊佮二二八事件的關係，甚至是後來白色恐怖的迫害，主辦單位嘛邀請白色恐怖受難者高一生的後生高英傑來做分享。伊表示，佇遮的自新自首名單當中，嘛有in鄒族當初落來支援的人，會當揣著這个資料，對in來講是真重要。
這改的活動是配合國家人權博物館佇二二八事件74週年的系列活動，除了欲揣出閣較濟當初予政府掩崁被暗崁的真相，嘛希望會當還受難者佮in的家屬清白。
