屏東勝利星村全面整修 招店家進駐發展觀光人文

屏東縣的勝利星村,是日本時代的軍官宿舍,是歷史悠久的建築,這馬成做地方熱門的文創園區。最近園區的整修攏完成,也袂少店頭來遮經營。

融合多元時代風格的「勝利新村」,是往過日本軍隊佇屏東設置的飛行團官舍;戰後時期閣成做中華民國政府的國軍眷村,見證過臺灣2个重要時代,是已經超過80冬的歷史建築,這馬總算全面完成整修。

為著欲活用這个歷史建築群,縣府共遮正式號名做「勝利星村創意生活園區」,招濟濟在地的文創人才進駐,有獨立冊店、餐廳、咖啡館,猶閣有藝文展覽空間等等,希望推動地方的人文發展,也通好促進觀光。

除了有多元性質的店頭,勝利星村遮也會舉辦一寡仔市仔、寫生、表演佮DIY等等的活動,希望會當吸引著各地的遊客來遮行踏,感受無仝款時代感佮人文氣氛,也予老眷村充滿性命力。

全台敬老金大調查

相關新聞