網路成就太陽花運動? 線頂網絡成做社運新戰場

2014年的太陽花運動，轟動臺灣佮國際，對一開始的訊息傳播、現場轉播、動員民眾、徵求物資等等，會使講「網路」，就是促成太陽花運動的重要關鍵之一。學運過後這幾冬，網路對公共事務的傳播佮影響，除了有進步，閣有啥物是咱愛問題的，咱做伙來看。

2014年太陽花運動，透過網路傳播，整個運動真緊就得著各界的回響，但是網路到底號召偌濟人來參加這場社會運動？清華大學社會學研究所的助理教授林祐聖表示，袂當傷過樂觀。

林祐聖指出，網路頂討論甲偌爾仔熱烈，若是實際上的活動無人徛出來參與，等於是空雷無雨。另外一个現象就是網路的同溫層傷厚，造成的對立太明顯，毋是烏就是白，意見無仝的兩爿無啥討論交流的空間。

有討論才會當有理解，林祐聖建議，愛培養耐心，莫著急發表意見，若閣講著這幾冬因為媒體的民主化，318過後網路出現真濟專業、主題性討論的新媒體內容，網路傳播方興未艾。2012成立的g0v零時政府，佇318彼當陣，投入解決各種網路問題，順利透過網路予資訊公開，g0v發起人之一的IPA也提醒，雖然網路當興，嘛著愛注意是毋是有民粹的爭議。

自太陽花運動了後，逐家開始追求資訊透明、開放政府的訴求，網路頂也有濟種聲音意見、議題的討論；欲按怎如何培養辨識的能力，予家己不是干焦被動接收資訊，嘛會當成做反映想法、展開討論的創用者，成做資訊爆炸、新媒體大量出現的時代，民眾當咧面對的新議題。