社運物資超磅引思考 巫彥德發起"街頭計畫"

2014年的太陽花學運，佔領國會，維持24工才結束。真濟民眾用行動表達支持，熱心捐物資煞傷濟，特別是真濟物件食袂了著愛擲挕捒，閣有街友想欲去領，煞因為毋是運動的參與者著領無。看著這款情形的巫彥德，開始思考街友的人生，也開始進行伊的街頭計畫。

2014年3月18發生台灣頭擺民眾佔領立法院的行動，民眾送各種物資相伨支持，但物件一睏仔送上濟，尤其是食物，食袂完只好擲掉，有街友想欲去領煞領無，看著這一幕的巫彥德和兩位朋友，開始思考街頭運動猶會當有啥物變化

巫彥德講，因為無發言權，才會行來街頭，街友嘛仝款，所以伊佮朋友做伙成立人生百味這个社會企業，展開各種的街頭計畫。這幾冬嘛有團體佮學校來接接，做伙參與行動，人生百味表示，接觸艱苦人了後，發見教育佮服務仝款重要，嘛是in愛拍拚的代誌。