2014年的日頭花運動，毋但引起國際的注意，也予少年人對臺灣主體性有新的認同。少年人用新方式咧了解社會、關心政治，今也有一陣讀法律的學生，開始佇網路頂用白話來解說複雜的法律條文。

2014年3月18，因為反對《海峽兩岸服務貿易協議》，有民眾tshuā頭盤牆入去到立法院、佔領議場表達訴求，展開24工的太陽花運動，毋但驚動國際，對台灣政壇和社會嘛產生真濟大改變。

太陽花運動了後，開放政府變成一項口號，社會運動往往是短時間的激情，如何延續林祐聖講制度的設立是誠要緊的。

但民眾欲參與政府捒政策的討論過程，嘛著代先了解相關細節內容，佇太陽花運動時，猶佇東吳大學讀法律研究所的楊貴智，就和朋友做伙設一个網站「法律白話文」，正希望白話、也就是好理解的方式，向民眾解釋條文爭議。

網站一開始，大部份攏咧討論服貿協議，後來慢慢湠到無仝領域的法律智識，但是楊貴智也講，其實大部份的人袂想欲主動了解法律，所以in也那做那調整方式。

生活中捷拄著的議題，成功引起民眾的興趣佮討論，法律本身有濟濟的專業用語，楊貴智和in的團隊，希望成做民眾和法律界中央的彼條橋，用白話向民眾解說。向遮的議題當中的法律智識，會當透過傳播佮討論，予台灣社會注入閣較濟的法律養分。