藝術家夫婦上山落海錄音 呼籲逐家珍惜大自然
洪敏真 莊沛文 / 新北報導
發布時間：
更新時間：
有人講聲音，會當投射咱和一个所在的記持，法國籍聲音藝術家Yannick，10外冬前和伊的牽手台灣籍的藝術家蔡宛璇來到台灣，上山落海錄各種聲音，就望聲音豐富咱人類的眼界，提醒咱愛敬重、嘛愛珍惜大自然。
你敢有聽著人講的彈琴水雞──腹斑蛙咧唱歌。
斟酌聽，佇宜蘭縣員山鄉予人劃做保護區的福山植物園內，閣聽會著羌仔響亮的叫聲。
就連台灣特有種，黃喙角鴞這種鴟鴞(bā-hio̍h)的聲，嘛有塊聽。
佇法國南部出世的聲音藝術家Yannick，2013年和伊的牽手，本身是台灣人，嘛是藝術家的蔡宛璇，佇宜蘭縣福山植物園和太平山，開兩年，收集30外點鐘的錄音檔案，整理剪接做這塊75分鐘的CD，佮訪談，望聲音內的美感，會當予人感受大自然的生態和背後的文化層次。
Yannick這十外冬來，佇台灣上山落海，收集各種聲音，也用聲音紀錄片參與國內外大大細細的藝術展，就望聲音這副鎖匙，豐富咱的眼界，愛永遠會記得疼痛家己的母土。
你敢有聽著人講的彈琴水雞──腹斑蛙咧唱歌。
斟酌聽，佇宜蘭縣員山鄉予人劃做保護區的福山植物園內，閣聽會著羌仔響亮的叫聲。
就連台灣特有種，黃喙角鴞這種鴟鴞(bā-hio̍h)的聲，嘛有塊聽。
佇法國南部出世的聲音藝術家Yannick，2013年和伊的牽手，本身是台灣人，嘛是藝術家的蔡宛璇，佇宜蘭縣福山植物園和太平山，開兩年，收集30外點鐘的錄音檔案，整理剪接做這塊75分鐘的CD，佮訪談，望聲音內的美感，會當予人感受大自然的生態和背後的文化層次。
Yannick這十外冬來，佇台灣上山落海，收集各種聲音，也用聲音紀錄片參與國內外大大細細的藝術展，就望聲音這副鎖匙，豐富咱的眼界，愛永遠會記得疼痛家己的母土。
專題｜改造地獄路 台灣行人路為何難行？
