今年頭場民安演習佇嘉義 模擬地動等重大災害
林緯廷 / 嘉義報導
發布時間：
更新時間：
行政院的災害防救演習佮國防部的民安7號演習，對3月到5月這段期間，欲佇6都佮5个縣市來舉辦，3/11頭一場是佇嘉義市。這改演習主題是地動事故，有直升機對南投飛來嘉義，暫時停咧國小的校園內，直升機就佇學生囡仔的目睭前，有人是看佮目睭毋甘nih。
直升機降落佇咧學校的運動埕，看著這種特殊情況，學生攏誠興奮。
嘉義市昨昏下晡舉辦台灣第一場的民安7號演習，假設嘉義發生大地動，造成民家厝倒去、火車敗馬等等的重大事故，除了消防單位、軍方等45个救災單位投入，嘉義市5間病院動員組織的救護團體，嘛趁這改機會，累積經驗。
除了防災演練，現場閣有準備一寡體驗的設備佮擔位，欲向來參加的學生佮社區民眾宣導防災觀念。
消防局表示，嘉義地區佇斷層帶(tuān-tsân-tài)頂懸，面對毋知影當時才會發生的地動威脅，對政府單位到民眾，攏需要透過演練，保持警覺的心態，佮正確的防災觀念。
嘉義市昨昏下晡舉辦台灣第一場的民安7號演習，假設嘉義發生大地動，造成民家厝倒去、火車敗馬等等的重大事故，除了消防單位、軍方等45个救災單位投入，嘉義市5間病院動員組織的救護團體，嘛趁這改機會，累積經驗。
除了防災演練，現場閣有準備一寡體驗的設備佮擔位，欲向來參加的學生佮社區民眾宣導防災觀念。
消防局表示，嘉義地區佇斷層帶(tuān-tsân-tài)頂懸，面對毋知影當時才會發生的地動威脅，對政府單位到民眾，攏需要透過演練，保持警覺的心態，佮正確的防災觀念。
2022杭州亞運 台灣百金之路
