王光祿案釋憲辯論 警政署:通配零件.准原住民做銃
郭柏均 陳保羅 / 臺北報導
發布時間：
更新時間：
王光祿拍獵釋憲案的言詞辯論，今仔日佇司法院開庭，針對拍獵的問題，內政部有提出新的講法，表示政府會使提供安全的零件予原住民來製作鳥銃；毋過原住民團體是質疑講：按呢敢都有法度製造出安全的拍獵銃？
喝口號、攑布條，王光祿釋憲案的言詞辯論三月初九早時開庭結束了後，幾若个原住民社團佇司法院門口開會後記者會，向大眾說明開庭的狀況。言詞辯論針對原住民干焦會使使用家己製作的鳥銃這个問題，內政部警政署開庭的時有提出新的想法，表示會使佮國防部合作，提供安全的關鍵零件，予原住民家己製造的鳥銃閣較安全。
針對這个講法，聲請人王光祿認為這猶是有安全的疑慮，而且若是已經願意提供零件佮訓練予原住民，是按怎無欲規氣提供一支安全堪得使用的銃予原住民就好？
王光祿的律師團表示，大法官嘛有問著若是願意提供零件，是按怎無願意開放制式的鳥銃；而且若是內政部欲捒這个方案，應該愛先佇安全佮有效這兩方面掛保証。
今仔日的言詞辯論庭討論原住民拍獵的文化權、生態保育佮鳥銃的問題。司法院大法官講未來一禮拜內底，猶閣會使來用書面的資料補充觀點，釋憲結果出爐的日子會佇咧一個月以內公布。原住民的拍獵權會按怎改變，原民團體表示，希望大法官會使守護憲法，共原住民的文化權利還予in。
喝口號、攑布條，王光祿釋憲案的言詞辯論三月初九早時開庭結束了後，幾若个原住民社團佇司法院門口開會後記者會，向大眾說明開庭的狀況。言詞辯論針對原住民干焦會使使用家己製作的鳥銃這个問題，內政部警政署開庭的時有提出新的想法，表示會使佮國防部合作，提供安全的關鍵零件，予原住民家己製造的鳥銃閣較安全。
針對這个講法，聲請人王光祿認為這猶是有安全的疑慮，而且若是已經願意提供零件佮訓練予原住民，是按怎無欲規氣提供一支安全堪得使用的銃予原住民就好？
王光祿的律師團表示，大法官嘛有問著若是願意提供零件，是按怎無願意開放制式的鳥銃；而且若是內政部欲捒這个方案，應該愛先佇安全佮有效這兩方面掛保証。
今仔日的言詞辯論庭討論原住民拍獵的文化權、生態保育佮鳥銃的問題。司法院大法官講未來一禮拜內底，猶閣會使來用書面的資料補充觀點，釋憲結果出爐的日子會佇咧一個月以內公布。原住民的拍獵權會按怎改變，原民團體表示，希望大法官會使守護憲法，共原住民的文化權利還予in。
專題｜改造地獄路 台灣行人路為何難行？
