3/1起圖冊免抾營業稅 利益如何回饋引爭議

為著減輕圖書產業營運的負擔,文化部宣佈自3/1開始,圖冊出版品的收入免抾營業稅,毋過免稅金這5%是欲共優待囥佇佗位咧,文化部表示這是市場機制,出版社、經銷商和冊店攏有無仝的看法。

最近這幾冬受著數位化佮網路資訊發達的影響,台灣出版產業逐年衰退,文化部經過濟改和業界、財政部等單位的討論,決定對三月初一開始免徵營業稅,但是免稅了後實際上好著啥人、猶閣如何執行,文化部表示這是商業機制。

親像經銷商向出版社買冊的時陣,以及冊店通路共經銷商落訂單,落尾消費者買冊,這三種情形攏免納營業稅,目前出版社和經銷商,大部分攏維持原本的定價,但對冊店來講in顛倒是成本增加

也有業者表示,免稅實際上帶來的效益真少,紲落來若會當捒圖書禮券,對產業來講可能會有較大的幫助

蘇至弘表示,舊年的藝FUN券有實際帶動民眾,行入冊店買冊,所以若欲協助出版產業,圖書禮券應該是一个會使思考的方向,但其實對規个圖書出版產業來講,猶是讀者願意買冊看冊,才是上重要的代誌。

 

九合一選戰解析

相關新聞