新竹市立圖書館修整 電子服務予民眾借冊利便

新竹市立圖書館,目前當咧進行修整的工程,為著予民眾佇這段時間,嘛會使借冊來看,文化局特別加強自動圖書館的服務,內底上濟會使囥350本的冊,民眾只要揀好家己欲借的冊,感應證件了後,閣輸入編號,輕輕鬆鬆聽好借冊佮還冊。


選好想欲借的冊,共號碼揤落,免偌久的時間,連鞭著會使提著家己欲借的冊,這台自動圖書館內底,毋但有3百外本冊會使借,而且操作真簡單,一个人一擺上濟會使借4本冊。

除了有實體的冊會使借,新竹市閣有設11个點,提供電子冊服務,民眾透過手機、平板電腦,就會使佇線頂看超過1萬本免錢的冊。

根據國家圖書館統計,連續兩年,新竹市是六都以外,民眾借冊數量的冠軍,目前新竹市有兩台創新自動圖書館,未來拍算會有第三台,予民眾借冊閣較方便。

相關新聞

專題|全台敬老金大調查