工研院研發AI 用體重.騎車習慣分析機車電量

捌騎過電動機車的人,應該攏有拄過「毋知影賰的電量,閣會當騎偌久」的問題。工研院和民間車廠合作開發出一套系統,透過電腦自我學習,會使根據機車駕駛的體重、騎車習慣,來斷定電池會當閣擋偌遠。

電門催落去,電動機車的輪仔遨(gô)甲真緊氣(kín-khuì),毋過若騎過電動機車的人,應該定定愛煩惱,毋知影賰的電量猶閣通好騎偌遠?這馬透過AI技術,會使根據每一个人騎車的慣勢,自動記憶學習,予駕駛知影講到底會使閣騎偌遠。

這套系統上特別的功能,是會使針對目前駕駛的體重、騎車的慣勢佮路況,短時間內分析數據,差誤範圍佇5%以內。

根據經濟部統計,最近這幾年,台灣電動機車的數量愈來愈濟,這套系統未來會使予使用者,毋免閣再煩惱騎甲無電,解決為著毋知影電池閣會當使用偌久慒心的問題。

全台敬老金大調查

相關新聞