嘉義村民用竹仔.稻草起涼亭 重現薰樓形體

嘉義水上的三界埔,早期是薰葉的大產區,後來做薰的產業落坐,薰樓一間一間收起來。為著共過去的產業記持留落來,村民用竹仔佮稻草、模仿薰樓外型,起一搭的涼亭仔,成做社區長輩開講、講過去的所在。

村民逐家走入來涼亭,佇遮會當歇涼,閣會使作伙吃物件,這个用竹仔佮稻草搭起來的所在,是嘉義縣水上鄉三界村的社區志工,模仿以前菸樓的形體來起的。
嘉義縣水上鄉的三界村,過去有種作袂少菸田,佇遮嘛捌有逐家做伙工課的菸樓,因為產業的沓沓仔無去,社區發展協會佮社區規劃師合作,用上省錢的作法,起一個菸樓的涼亭,予社區的序大會當來使用。
社區表示,in共閒置的空地整理好勢,閣利用清理出來的植物搭這座涼亭,這馬除了是村內序大歇喘開講的所以,紲落下嘛欲配合社區的產業,開辦課程,替整個社區帶來新的氣氛。
 

相關新聞

專題|全台敬老金大調查