新竹城隍廟鼓仔燈比賽 3D作品重現楊英風版畫

新竹城隍廟的元宵鼓仔燈比賽,受疫情影響,今年參賽作品雖罔有較減,不過猶有百外件。其中有一件,是用3D技術,展現已經過身的雕塑家,楊英風經典版畫作品「伴侶」的鼓仔燈,做伙來欣賞。

俐落的線條、立體的造型,已經過身的雕塑藝術家楊英風的版畫作品「伴侶」,這馬透過另外一位藝術家張逸軍的團隊,用傳統鼓仔燈,立體的方式來重現。

張逸軍講著創作過程中上困難的所在,就是愛共版畫作品獨有的風格,轉變做3D立體的風貌。這項作品經過真濟擺的討論佮修正,團隊逐日攏咧趕工。

除了這件影目的二次創作,城隍廟內底嘛予傳統的鼓仔燈掛滿滿,每一件攏是全手工作品,而且攏佮今年生相(senn-siùnn)牛年有關,充滿熱鬧的過節氣氛。

全台敬老金大調查

相關新聞