領補助煞投資高碳排 立委點名清大.交大濟間大學

立委蔡璧如25號表示,有一寡受教育部「高等教育、深耕計畫」補助的大學,提校務基金,去投資碳排放量誠懸的產業,違背這個計畫,希望大學愛盡著「社會責任」的目標。希望遮的大學,愛注意這款狀況。
 

教育部對2018年開始,執行「高等教育深耕計畫」,向望各大學會使發展出多元特色來培養人才,計畫的其中一項目標,是希望大學愛「善盡社會責任」,毋過立委蔡壁如25號指出,有一寡大學是「倒手提補助,正手舞汙染」,領補助的同時,竟然去投資高碳排放產業

蔡壁如強調,毋是講高碳排放的產業就袂使投資,嘛著愛看企業敢有咧改善家己對環境的影響。大學應該愛有家己的投資準則;參與記者會的環保團體表示,學校若會當tshuā頭講欲對高碳排企業撤資,是會當帶動企業轉型

予人點名的學校內底,受補助金額佮有爭議的投資金額攏上懸的清華大學表示,in本底就有參考世界大學永續發展目標政策,避免投資高污染的產業。雖然in確實有投資鋼鐵產業,毋過鋼鐵業並無包括佇永續發展目標政策的高汙染名單內底,若是這陣國會認為這款投資無妥當,in嘛會撤銷投資。
 

相關新聞

專題|全台敬老金大調查