驚欠水影響產能 竹科有廠商啟動水車車水

根據中央氣象局的預報,今年頭一季的雨水可能無夠。台積電表示已經開始載水入來使用,而且晶圓目前是大欠貨;若準繼續欠水,全球半導體產業恐驚攏會受牽連。

載水車佇新竹科學園區出出入入,因為全台灣水情嚴峻,園區內底部份廠商已經啟動水車載水,避免(pī-bián)欠水影響著生產,確保產能正常穩定。

新竹科學園區表示,除了園區內部的儉水措施,新竹市水資源中心嘛提供逐工1000噸的再生水予園區使用。毋過部份廠商需要用水猶是無夠用,所以有4、5間廠商已經家己啟動水車載水。

水庫繼續欠水,提供園區用水的寶二水庫,有效囤水量創下水庫啟用以來上低的紀錄,若是閣無落雨,廠商買水的預算佮數量,恐驚著愛繼續增加。

相關新聞

專題|全台敬老金大調查