臺鐵限制對號列車徛票 電子票證上車變空縫 | 公視新聞網 PNN

臺鐵限制對號列車徛票 電子票證上車變空縫

228連紲假期欲到矣,鐵路局拍算欲用過年期間的防疫措施,限制每一幫對號列車干焦會當賣120張的徛票,毋過這个政策佇過年期間效果無好。因為真濟民眾買無徛票,煞用電子票證入站上車,顛倒會造成防疫的空縫。

每一幫對號的列車干焦欲賣120張徛票,228連續假期,台鐵按算沿用新正過年期間的做法,避免傷濟人kheh佇車頂,無法度保持社交距離。無閣按呢做敢有效果?因為真濟人會用電子票證入站,違規上車。

根據台鐵上新的統計,2月初8至16期間,佇普悠瑪佮太魯閣列車的部分,違規用電子票證上車的補票金額超過70萬、罰金30幾萬,總共查著5523件違規。

連鞭欲歇228連假矣,台鐵局是講,會想辦法改善人潮的問題

這改連假,台鐵估計2月26、27佮三月初一人上濟,按算加車幫佮車廂來應付

台鐵表示,上重要的是民眾一定愛遵守疾管署的規定,配合量體溫、掛喙罨,台鐵嘛會加強宣導,希望民眾著愛配合。

相關新聞

留言區