科技執法掠車輛噪音 違規聲源僫查.開罰難

真濟民眾可能猶無注意著,聲音翕相的科技執法,佇今年元旦開始施行。環保單位這馬已經開始用設備,針對噪音傷大的轎車、歐兜賣進行檢舉。毋過聲音執法的機器、猶是無法度、分辨、環境噪音,若準有擠落台車、作伙經過,機器也是霧煞煞、分袂清楚。

今年元旦開始,聲音翕相科技執法正式上路,設佇路邊的機器會偵測音量超過標準的車輛、共翕相檢舉;毋過有交通倡議者表示,這套機器是無遐爾仔厲害,科技執法的能力應該受質疑

根據統計,今年元旦到新正過年進前,機器總共翕著6500台車,先初步篩選出600台,閣經過人工判斷,確定當時的環境了後,上尾只賰100台有可能開罰。

環保署表示,因為機器分辨聲音的能力有限,所以機器執法嘛有真濟限制,親像佇車較濟、抑是講環境較吵的所在,攏無法度開罰

環保署補充,若是翕著的影像看著有改裝煙筒管的情形,嘛是會通知車主愛來接受檢驗,針對今馬機器執法的缺點,會繼續想辦法改善。

全台敬老金大調查

相關新聞