臺灣過年風俗濟濟種 新住民入鄉隨俗相交流


人講初一早,初二早,初三睏甲飽。咱臺灣過年的傳統,無論拜拜猶是摒掃,齊鋩鋩角角。移民署就專工邀請老師,共新住民紹介咱國春節的風俗,嘛借機會了解別國是按怎過年。

老師詳細解說台灣過年的傳統,予這陣新住民朋友瞭解台灣習俗的由來和意義

圍爐提紅包,紲落來就是初一行春、初二轉後頭;但是越南轉後頭厝的日子跟咱無仝

除了拜年的時間無完全相☒,每一个國家過年的傳統料理,嘛攏有家己的特色,台灣捷用來炕雞湯的長年菜,佇越南的做法是用豉的,阿若滷肉和粽嘛是越南過年一定愛食的,但是口味真新款

捌和玉霜姊轉越南過年的翁婿講,一開始毋知影彼爿的傳統舞毋著,變成厝內的笑談

過年團圓,每一个國家攏有無仝的傳統,毋但來台灣的新住民入鄉隨俗、入港隨灣,台灣人受多元族群文化的刺激,嘛通互相了解,熟似世界豐富的文化樣貌。
 

全台敬老金大調查

相關新聞