今年臺灣燈會取消 主燈按算徙去新竹高鐵站

受疫情影響,原底欲辦佇新竹市的臺灣燈會取消,紲落來開欲1700萬打造的主燈欲徙去佗位展出,引起討論。這站傳出交通部考慮優先共主燈祀佇高鐵新竹站這搭,縣政府佮在地觀光業者聽著攏表示真歡迎。

用108枝竹仔配搭電火營造科技感,這就是2021台灣燈會的主燈,受疫情影響,新竹市前一站仔已經宣布取消燈會,目前這个主燈傳出交通部欲共徙來高鐵新竹站頭前的這塊空地,新竹縣政府表示真期待,講會全力配合。

飯店業者聽著主燈按算欲囥佇新竹縣,嘛攏誠歡喜,原本因為燈會取消,閣咧煩惱業績會受衝擊,這馬煞轉做滿腹的期待。

雖然講主燈有可能會徙來新竹縣,毋過光雕作品和藝術燈區,猶是按算等疫情較無遮嚴重的時,保留佇新竹市舉辦。

全台敬老金大調查

相關新聞