工研院發明晶片衫 監測人體狀態.刺激筋肉

頷仔頸痠疼是現代人的大毛病。工研院進有研發出一領衫,穿咧身軀,透過低周波電導,就會產生袂輸是掠龍的效果,減輕痠痛,而且閣會使透過手機仔,來觀察家己身體的狀況。

上班時間坐傷久,頷仔頸感覺痠疼,這時陣藏佇衫內遮的晶片,連去手機仔的APP,分析身體的狀況,進行低周波刺激,轉和痠痛。

這領衫閣會使測量喘氣、心跳,閣再透過虛擬實境系統,騎鐵馬的時陣,就會使佇螢幕 看著消磨偌濟熱量。

時代愈來愈進步,真濟科技運用佇生活當中,研發團隊希望這套系統,毋但用佇運動生理監測,嘛會使進一步 幫助居家健康照護。

全台敬老金大調查

相關新聞