過年豬價猶穩定 豬農擔憂開放美國豬損國產價
洪敏真 張育睿 / 台北報導
發布時間：
更新時間：
過年欲到，今年拄好搪著開放美國豬肉進口，豬農煩惱價數會崩盤；農委會主委陳吉仲表示，因為過年國內豬肉需求量變濟，這陣逐公斤攏佇70外箍左右，價數算是穩定。毋過，也是有豬農看長無看短，認為政府猶是愛有對策來照顧飼豬仔的業者。
剁肉、款料，豬砧頭家無閒刺刺，伊也予阮看豬皮身上有印產地的印仔，就望人客放心，這絕對是國產豬。
隨就欲過年矣，往年豬價攏會起小可仔，不過拄好因為萊豬開放，國內豬價敢有啥物波動？
根據農委會的資料，這六年過年前的豬價，攏差不多佇一斤7、80箍，豬農講，這是正常的現象，五日節到中元節彼波，豬因為天氣熱，胃口䆀，較袂大，出袂赴賣，價數起超過80，價數才算懸。農委會主委陳吉仲也表示今年農漁豬產量穩定，今年豬價起的幅度，佇合理範圍內。
過去討論敢欲開放萊豬，豬農上煩惱的是豬價會崩盤，短期看起來猶袂發生，毋過豬農憢疑，若價數袂受影響，為怎樣農委會欲佇開放以後，喝出用百億基金，保價收購？豬價到底會有啥物款的波動，閣愛長時間觀察。
剁肉、款料，豬砧頭家無閒刺刺，伊也予阮看豬皮身上有印產地的印仔，就望人客放心，這絕對是國產豬。
隨就欲過年矣，往年豬價攏會起小可仔，不過拄好因為萊豬開放，國內豬價敢有啥物波動？
根據農委會的資料，這六年過年前的豬價，攏差不多佇一斤7、80箍，豬農講，這是正常的現象，五日節到中元節彼波，豬因為天氣熱，胃口䆀，較袂大，出袂赴賣，價數起超過80，價數才算懸。農委會主委陳吉仲也表示今年農漁豬產量穩定，今年豬價起的幅度，佇合理範圍內。
過去討論敢欲開放萊豬，豬農上煩惱的是豬價會崩盤，短期看起來猶袂發生，毋過豬農憢疑，若價數袂受影響，為怎樣農委會欲佇開放以後，喝出用百億基金，保價收購？豬價到底會有啥物款的波動，閣愛長時間觀察。
2022杭州亞運 台灣百金之路
