"傳.新藝"宗教特展 欣賞嘉義在地藝師工夫

嘉義有豐富的宗教文化,佇故宮南院身邊的文化集會所,舉辦傳.新藝的宗教特展,同齊來欣賞嘉義藝師、結合時行元素展巧路,燒交趾、刺佛公衫,佮用紙妝神像的幼路工夫。

運用剪黏的交趾燒,功夫幼路的神明杉,閣有用紙糊出來的神像,三種無仝工藝的宗教文化,做一擺展覽來予民眾看。

展現生態教育的交趾燒、結合電影元素的神明衫,連紙糊出來的雕像,閣有會當震動的機關,傳統宗教的工藝,透過藝師的創意,展現出作品別開生面。

這擺的展出對1月27號開始,一直到3月14號,嘉義縣政府文觀局表示,展覽的主題,共在地傳統工藝佮文化創意做結合,希望予民眾會當感受傳統文化的創新佮改變。

全台敬老金大調查

相關新聞