嘉義市立博物館重開放 科技體驗鼓勵民眾互動

2004年啟用的嘉義市立博物館,是一座多功能的綜合博物館。2018年歇館修整,經過2冬外,昨昏重新開館,而且閣加設互動科技,予民眾會當哪耍哪學。

國小囡仔做導覽員紹介博物館的展覽,嘉義市立博物館佇經過2冬整修,增加會當予囡仔那耍那學習的兒童廳,也展示嘉義市的文化特色、市民歷史佮生活記憶。

館方強調,這改重新開放,希望會當改變舊形態的展覽,改用互動體驗的內容,予民眾感受博物館的活潑。猶毋過嘛有在地的藝術家指出,除了唌人來打卡,展覽嘛是愛思考欲怎樣將共嘉義的藝術文化釘根。

館方表示,配合10月的2021台灣設計展,市立博物館嘛成做衛星展館,希望時到會當予參觀的民眾佇遮感受著嘉義的美感佮文化。

全台敬老金大調查

相關新聞