僑委會送防疫關懷包到海外 望向國際宣傳臺灣

全球疫情直直湠,僑務委員會特別製作3萬5千份防疫關懷包,內底有一寡防疫的物件,按算過年進前寄予僑胞佮臺商,予in佇5月世界衛生大會進前,替臺灣做外交宣傳。

黃色kha-báng頂面印有台灣烏熊的圖樣,閣用英文寫欲予逐家健康,台灣會使幫忙。細細跤看來誠古錐,內面閣有黑熊喙罨、台灣造型的雪文等等,僑務委員會攏總製作3萬5千份,防疫關懷包欲發予旅外的資深kiâu-pau。

僑委會按算舊曆年進前,共遮的防疫宣傳品,空運寄送予各地的僑胞領袖líng-siù,希望透過IN佇海外的影響力,宣傳台灣的防疫能量,也替5月的世界衛生大會鋪路。

與會的僑界領袖表示,過去一冬以來,已經有真濟台灣的防疫佮醫療用品免費送到印度等等國家,也代表防疫無國界,僑委會也希望透過防疫關懷包的宣傳,進一步爭取海外民間支持台灣加入世界衛生組織。

九合一選舉指南

相關新聞