庇護工場疫情所致訂單減半 餐廳生理落3成 | 公視新聞網 PNN

庇護工場疫情所致訂單減半 餐廳生理落3成

新竹縣有一間庇護工廠,原本就經營甲真辛苦,這擺閣受疫情影響,訂單直接減一半,就連餐廳生理嘛減了3成,真濟家私頭仔、歹去嘛無錢修理,希望外界出手鬥相共。

拍開冰箱內底空空,原來早就已經無法度使用。毋但冰箱,另一爿的電烘箱,原底有兩層,這馬賰下層會使烘麭。老師無奈表示,器材害去,但是閣無錢通好修理。

這間庇護工場佇在地經營七冬矣,除了訓練身心障礙者的工作能力,嘛提供穡頭,過去經營就足辛苦,這馬面對疫情影響收入,姑不將才向外口討救兵。

來到餐廳,學員認真拭桌仔,猶毋過斟酌共看,店內煞一个人客攏無,疫情衝擊各行各業,外界的愛心捐助嘛比往過減了真濟,in希望逐家通鬥相共,助in度過這改的難關。

相關新聞

留言區