整修欲完工.祖師爺也安座 集雅軒欲拚北管傳承

雲林北港集4雅軒、經過1年外的整修,已經共神尊,請轉來矣。等完全整修好勢,這個所在就會成做傳承北管重要的中心。

雲林縣北港鎮的集雅軒,自舊年底開始修復,經過冬外,部份所在已經整修好勢,嘛舉辦入火安座的儀式,欲共暫時安置咧朝天宮的神尊― ―祖師爺西秦王爺,請轉來到集雅軒、閣再服侍。

講著集雅軒,這个有久長歷史的北管樂團,是北港古老的藝陣之一。抑因為會館已經成立百外冬,建築物是真老舊。經過北港居民的拍拚,順利向縣府爭取著經費,來修復集雅軒。整修過程中,發見舊樟木門佮特殊的機關,保留甲誠完整。地方的鄉親是有錢出錢、有力出力,就是欲為修復集雅軒盡一寡心。

集雅軒毋但有建築物老舊的問題需要解決,閣因為樂團團員食老,北管文化恐驚失落。所致北港居民毋但欲修復空間,也欲共曲藝,這項和北港、重要的宗教活動,有大大牽連的傳統抾倒轉來。集雅軒毋但保存歷史風華,佇未來,也會成做傳藝的中心,傳承北港樂曲、珍貴的文化。
 

九合一選戰解析

相關新聞