臺南柑仔蜜競賽過三關 95農民拚懸低 | 公視新聞網 PNN

臺南柑仔蜜競賽過三關 95農民拚懸低

臺南農改場第10年舉辦小粒柑仔蜜的比賽,今年有95組產品報名。評審表示,農民的管理技術攏進步誠濟,欲選出冠軍,實在無簡單。

小果番茄競賽由臺南農改場主辦,邀請專家學者,閣有水果店頭家來做評審。In穿醫生衫來評斷番茄的外觀、口感、甜度,比賽的番茄著有產銷標章、有機標章、佮生產追溯條碼,閣愛過農藥殘留檢測,才會當到第三關比懸低。逐主攏品質一粒一,考倒評審。

這屆有95主的農民報名參加,雖然受秋天天氣燒熱影響品質,毋過這屆的番茄甜度,平均攏有十度。可見農民的種作技術有大大提升。

這屆比賽的前三名,全由嘉義縣的農友包辦。想欲食看冠軍番茄滋味的觀眾朋友,著把握機會。

相關新聞

留言區