蘭嶼以芋仔.番薯做主食 學生用在地食材變化料理

芋仔佮番薯是紅頭嶼主要的傳統食食,干焦芋仔就有十外个品種,紅頭嶼完全中學餐飲科,前一站仔辦成果展,來看遮的學生囡仔,將佇學校學著的煮食功夫,料理在地食材,共伊變做心適的料理。

學生囡仔專注認真用心料理,今仔日的課是無國界料理,使用蘭嶼在地的食材,親像番薯、芋仔、臘肉,但欲用西方的煮食方式,將料理做出無仝的變化

學生對菜餐設計開始,獨力(to̍k-li̍k)完成一齣料理;學校一年一的成果展,今年特別安排高中部的學生設計教學內容,來教國中部的學生

學生佇學校學功夫,嘛愛有所在發揮,這部份蘭嶼高中校長連紋乾真有信心

透過職業探索予國中生了解家己的興趣,嘛透過實習的過程,予高中部學生體驗產業的實際狀況,校方表示,過去會認為會留佇蘭嶼讀冊,攏是成績表現需要加強的囡仔,這陣已經無仝,遮的學生囡仔用學習態度佮成果展現,證明家己的價值。

相關新聞