白色恐怖受難者出新冊 陳武鎮創作記錄時代悲劇

白色恐怖的政治受難者陳武鎮,初5佇228國家紀念館、發表新冊《囚》,內面有收伊、最近五六冬、的藝術創作,攏是佮以早、白色恐怖有關係,用無聲的畫記錄時代的悲劇。

共過去看著白色恐怖銃殺時的圖片,改用油畫呈現

烏白也若親像咧講烏白不分,本身就是白色恐怖受難者的陳武鎮,發表新套冊囚,內面收集六本無仝的主題,無論是畫出犯人看著鳥仔感受失去自由的心情,抑是用判決書結合人形的雕刻,在在反映彼个時代台灣人的悲情。

這擺的套冊收錄陳武鎮自2015到18年的藝術創作,伊嘛以家己尊敬的前輩李萬章做素材,手中抱的囡仔就代表台灣,伊講會繼續創作,做應該愛做的代誌。

九合一選舉指南

相關新聞