為辦明年臺灣燈會 新竹圍三區管制交通引民怨

新竹市按算佇明年舉辦2021年的台灣燈會,最近交通管制方案也對外公告。其中管制區內底分做三个區域,重點區域,攏愛用行路的,就算蹛佇內底的民眾,也袂使共車駛入去。管制時間對下晡4點到暗時12點,這個措施也引起民眾的埋怨。
 
新竹市明年2月欲踮市區內底舉辦台灣燈會,按算會吸引大批觀光客來新竹☒迌,市府公佈交通管制區,(CG IN)分做藍、青、紅三个區域,藍區居民憑通行證汽車會當駛入去,青區憑通行證oo-tóo-bá會當過,紅區是汽機車攏袂當過,方案公佈連鞭引起民眾的討論,尤其是蹛紅區內底的人閣較不滿(CG OUT)。

管制時間平常時對下晡4點到12點,歇睏日是提早對下晡2點開始,其中範圍內底閣有12間學校,提早對3點下課,真濟家長攏問囡仔提早下課,啥人會使去接。

過去各縣市辦燈會,攏選擇設佇較闊曠(khuah-khǹg)的所在,這擺新竹市選踮市區內底辦,欲按怎討論出閣較好的管制方法,降低對民眾生活的影響,市府團隊當咧面對大考驗。

相關新聞

專題|全台敬老金大調查