新竹市按算佇明年舉辦2021年的台灣燈會，最近交通管制方案也對外公告。其中管制區內底分做三个區域，重點區域，攏愛用行路的，就算蹛佇內底的民眾，也袂使共車駛入去。管制時間對下晡4點到暗時12點，這個措施也引起民眾的埋怨。
管制時間平常時對下晡4點到12點，歇睏日是提早對下晡2點開始，其中範圍內底閣有12間學校，提早對3點下課，真濟家長攏問囡仔提早下課，啥人會使去接。
過去各縣市辦燈會，攏選擇設佇較闊曠(khuah-khǹg)的所在，這擺新竹市選踮市區內底辦，欲按怎討論出閣較好的管制方法，降低對民眾生活的影響，市府團隊當咧面對大考驗。
