伊是照顧秘書溫潔瑄，對23歲踏入長照到今已經7冬，毋過做這途因為愛常常出力所以難免會受傷
腰、手等等，攏是in定定受傷的部位。像伊隨身攏會紮輔助的用具，來減輕身體傷害，毋過弘道老人福利基金會,佇去年對基金會內，200外位照顧秘書做調查，有6至7成左右，認為職業傷害、工課負擔懸，是予in頭路毋願做久長的上大原因。
按基金會來講，照顧秘書女性比例懸、平均年紀佇45歲以上，所以體能退化，是料想會到的，雖然整體薪水有升懸，嘛有技術相關的課程，毋過大眾對這份功課的工作價值、職場安全的意識，閣有誠遠的路愛行。
面對外籍移工來台量減，欲按呢改善照顧秘書的職業認同，予少年一輩，會使坐久長，嘛是政府和外界可能愛思考的部份。
