臺灣阿媽芭比時代 研究所開課訪過去捌在地

中正大學台文所為著欲予高中生了解傳統,嘛欲刺激學生的創意,開一个號做「臺灣阿媽芭比時代」的課程,予學生走揣阿媽少年時代的在地生活,也去拜訪嘉義一寡老店,思考過去的文化,按怎透過創意,重新應用。

老師傅共學生紹介長衫的歷史演變,這位師傅目前是嘉義市內,猶有用手工做長衫的人。毋但穿插,中正大學台文所的教授閣tshuā學生去看一位女性詩人以前蹛的厝,唸伊寫的詩。

中正大學為欲予地界內的高中生更加了解在地的歷史生活佮文化,開辦一門「臺灣阿嬤芭比時代」的課程,透過食衣住行各種層面,調查阿媽過去佇嘉義的生活影跡  。

這个課程結合數位科技佮實地訪察,主題也對以早行到這馬,中正大學的教授表示,希望透過課程的教育,毋但予學生囡仔知影在地的歷史,嘛希望會當借重in的創意,予在地的文化有重閣運用的機會。

全台敬老金大調查

相關新聞