戰機訓練中殉職 新竹設"展翅高飛"紀念王同義

8冬前,空軍幻象戰機的飛行官王同義,佇法國訓練的時陣,飛行機發生故障,伊為著欲閃人家厝,煞發生意外死亡。為著欲表達對伊的敬意,空軍佮新竹市政府佇新竹市內的飛行公園,設一座「展翅高飛」的裝置藝術,欲來共伊紀念。

掀開布簾,出現一隻鴟鴞佇天頂飛的雕刻藝術品,設計者特別共作品的懸度設做178公分,也就是空軍飛行員王同義的身懸。

飛官王同義是8冬前佇法國訓練的時陣發生飛行機機械故障,他為欲走閃民家厝,犧牲家己的性命,空軍希望透過裝置藝術,共伊的精神永遠留佇逐家心中。

法國在台協會嘛來現場參加儀式,除了這項藝術作品,法國當地嘛有徛碑紀念王同義,表彰伊的精神和事蹟。

相關新聞

專題|全台敬老金大調查