好菌助種作 屏縣府設微生物中心推廣 - 公視新聞網

好菌助種作 屏縣府設微生物中心推廣

細菌有好也有䆀,若好的,通好減少使用化學肥料,變做友善農法,佇屏東就有一個微生物資材培養中心。

作田敢干焦會當靠化學肥?屏東縣府招成大研究團隊佮農場合作,開發微生物,也就是細菌來種田,希望減少化學藥劑使用,予田地會當久長種落。參與計畫的農友,攏呵咾用好的細菌種作,確實產量、品質大提升。

好的細菌用途濟,田園、塭仔閣有農場攏會當使用。縣府特別開班,教農民培養光合菌佮應用,有欲300个農民來學習,閣有農民下心神,成為微生物菌種培養師。

細菌百百款,好的細菌幫贊產業發展。這馬屏東成立个頭一个微生物資材培養中心,希望推廣細菌種作予閣較濟農友了解,也欲透過細菌的好處,予農業大發展。

相關新聞

留言區