北市府愛家伙橐1袋.集中管 街友講傷細跤


臺北市政府日前、欲共街友的行李,集中管理,佮鐵路局協商了後,最近佇臺北車頭的南門、設2个的所在,予街友囥行李,毋過有真濟街友反映,囥的所在無夠四序、分的袋仔也無夠貯,希望政府了解ﰀ的心聲,了解真正的需求

佇台北車頭,倚南門的牆圍邊,猶會使看著大包細包的行李,遮攏是一寡踮車頭附近無厝通轉的人所囥的,本底台北市政府社會局佮台鐵局協商了後,有設兩位搭布篷仔的區域,予in來囥行李,閣倩保全來看顧,希望集中管理,毋過煞出現一寡無仝的意見。

有街友認為、猶無夠利便 ,除了佇特定時間才通領取,囥生活用品的袋仔也無夠大,有街友順勢共提著的橐仔展開,將原本家己囥佇塑膠箱仔的棉襀被、衫仔褲等等櫼入起內底,猶未入了,就沒空間仔。

針對街友的意見,社會局社工科長陳怡如是表示,這跤黑色橐仔,市府已經改了幾落擺,進前也有請市府人員對街友做意見的調查,集中區域嘛做了真濟防雨防澹的措施,這馬有配合囥佇遮的街友有六成左右, 若是有其他需要改進的所在,也會隨時做檢討,希望台北車頭的公共空間會當沓沓仔改善。

相關新聞

專題|全台敬老金大調查