120塊鄉土歌謠 臺灣交響樂團重新編曲演奏


歌謠,通好唱出每一種族群的心聲,也會當唱出歷史的意義。國立臺灣交響樂團,特別整理120條臺灣歌謠、閣共ﰀ重新編曲,欲用西洋音樂的角度、展現出、傳統歌謠、無仝款的氣味。

這首"阮若拍開心內的門窗",是描述臺灣1950年代,農村青年去都市拍拚的出外心情。國立臺灣交響樂團三年前開始進行臺灣歌謠傳鄉情的計畫,邀請國內作曲家重新編曲,用西洋的管弦樂來演奏傳統歌謠


國立臺灣交響樂團表示,透過這遍的歌謠計畫,第一想欲予民眾對臺灣歌謠的背景有深入的認捌,第二希望交響樂嘛會當真自然出現佇日常生活內底

臺灣歌謠創作者簡上仁老師嘛講,傳統的音樂,除了保存,嘛愛創作

歌內有歷史,歷史內有歌,代表臺灣傳統文化、民間生活的歌謠,有人保存有人創作,才會當予歌謠像活水流愈久、流愈遠。

相關新聞

專題|全台敬老金大調查