臺語自細漢釘根 幼兒園推動浸水式教學 - 公視新聞網

臺語自細漢釘根 幼兒園推動浸水式教學


教育部幼兒園臺語浸水式教學計畫,到今年已經有92間參與,佇高雄這兩間,逐工上少有四點鐘、予囡仔講臺語、聽臺語的活動,大部份的囡仔、原本攏袂曉講,逐工沓沓仔學,這馬效果也真好。

獅湖國小幼兒園囡仔,透早八點,綴著老師來菜園仔挖塗種菜,囡仔上愛找IN菜園仔的好朋友。
 
佇菜園仔內底愛講台語,是IN逐工菜園仔時間的約束,吃點心的時間,囡仔嘛愛講台語,老師佇逐工的生活活動,自然教囡仔講台語。

獅湖國小幼兒園是第四冬申請教育部閩南語浸水式教學計畫,已經看著效果,另外這間天主教的善導幼兒園,囡仔逐工祈禱、唱歌、耍教具,嘛攏講台語呢。

園長佇六、七冬前就開始教母語,遮大部分囡仔原本攏袂曉講台語,佳哉老師攏誠有熱情,in拄著上大的困難猶是家長。

閩南語浸水式教學,105年試辦時陣,全台灣干焦10間幼兒園爾,到今年第五冬,已經增加到92間參與矣,保存母語愛對幼兒園開始,毋過家長敢會認同配合,恐驚是上大的考驗。

相關新聞

留言區