洘旱嚴重損番麥 農民操煩領無轉作獎勵 - 公視新聞網

洘旱嚴重損番麥 農民操煩領無轉作獎勵

嘉義的義竹種飼料番麥的面積超過2千公頃。毋過今年雨水較少,造成9月恬落去的番麥,攏出現乾蔫的情形。若無落雨,災害會越來越嚴重。農民希望政府會當啟動天然災害補助,減少怹的損失。

原本應該當咧生長的番麥,逐叢看起來都蔫蔫,有的嘛已經徛黃,嘉義縣義竹鄉的9月開始種的番麥,因為攏無雨水哩來,目前受損面積已經有3百公頃,損害程度已經有15%左右。

嘉義縣義竹鄉,是目前種作這種飼料用番麥上濟的所在,種作面積有1520公頃,受到洘旱的影響,田內底的番麥攏袂大,農民真煩惱會影響到每公頃6萬5千塊的轉作獎勵金。

總幹事表示,這16年來,毋捌拄著這種情況,目前9月開始種的番麥,已經有5 6成徛黃,若是天氣繼續按呢無落雨,狀況會閣較嚴重,希望政府會使按照天然災害的補助,來減少農民的損失。

相關新聞

留言區