簡上仁堅心推捒民間歌謠 辦展覽吟唱臺灣地 - 公視新聞網

簡上仁堅心推捒民間歌謠 辦展覽吟唱臺灣地

臺灣音樂家簡上仁,自細漢受著廟口戲曲的影響,大學的時就決心欲壯大臺灣歌謠。這四十外冬,簡上仁毋但累積豐富的創作,嘛積極推廣研究。清華大學的圖書館特別規劃「唱咱的歌-簡上仁的台灣音樂之旅」,透過展覽予逐家了解,簡上仁佇臺灣音樂的貢獻。

珍貴的創作手稿、歌譜,猶有簡上仁老師濟濟的研究資料,這是國立清華大學主辦的展覽,希望透過展出,予民眾對咱臺灣的鄉土音樂,有閣較深入的認捌。

臺灣諺語、廟口戲曲猶有南北管,傳統歌謠的旋律,深深留佇簡上仁的腦中,展覽嘛安排老師的演講活動,予民眾會當那聽那感受臺灣歌謠的美麗旋律。

音樂本底,就是族群融合產生的文化,臺灣多元的族群,成就豐富的臺灣本土音樂,簡上仁老師嘛積極佇台灣各地頭,進行教學計畫,鼓勵逐家當加入臺灣歌謠的創作,有創作,才會當予臺灣歌謠像活水!

相關新聞

留言區