國中臺語教學有斷站 南部學校ﰓ頭納課程

十二年國教的新課綱，舊年施行，本土語文列做國小必修，國中、高中選修。有真濟囡仔國小學六冬的臺語，到國中臺語也是袂輾轉；囝仔人若無愛講，臺語教育到中學就會出現斷層。佇臺南的海佃國中，全校七年仔的學生，一禮拜就有一節臺語課，鼓勵學生報名台語認證，學校逐年團體報名的人數，攏是全國第一。

學生比手勢，自然唸出台語八聲調，遮是台南海佃國中，老師替這班七年仔的學生先複習聲調，為八月台語認證考試準備，毋過學生感覺上趣味的，是紲落來的分組搬戲。

搬的是課本的文章，學生透過搬戲，運用生活中的台語。

目前佇台南市的國中，台語是彈性課程，毋過大多數學校是用社團方式，予學生選修，海佃國中是少數學校七年全部每禮拜一節課。

學生攏講，家己的台語有進步，學校和老師為著鼓勵學生，每冬攏會tshuā隊報名台語認證，團體報名人數攏是全國第一，今年海佃國中報名369人，又閣創下新紀錄。

王秀卿老師認為，佇台南是對教育局開始重視母語，嘛會舉辦真濟比賽，毋過嘛愛校長有仝款的理念，才會使予台語變做學校的特 色，只是海佃是特殊案例，佇高雄嘛只有少數國中共台語納入彈性課程。

遮是光華國中台語社，學生佇耍"你講我臆"，臆著的學生，閣愛用台語造句，其實這是社團這學期的考試。