今年教育部閩南語考試 倚1千4萬人考.歷來上濟

教育部逐年攏會舉辦「閩南語語言能力認證考試」,今年雖罔拄著疫情,毋過報名人數無受影響,有13800外人,是有史以來上濟人的一回。

聽老師講一句、綴伊唸一句,學台語的聲情、練讀台文字,搪著袂曉的語詞和俗語話,就用紅筆畫起來,才閣用英語做筆記。今年25歲,美國加州人嚴天寧,受朋友鼓勵,頭擺考教育部閩南語語言能力認證考試,就挑戰上困難的C級。

毋但美國人來考、包括youtube網路名人蔡阿嘎和伊的太太二伯,和佇台灣生活14年,也主持臺語節目的法國人吉雷米,今年也閣來自我測試。

逐年教育部攏會舉辦閩南語語言能力認證考試,今年雖罔拄著疫情,不過考生人數超過1萬三千人,是開辦的這十年來,上蓋濟人來考的一擺。

臺語老師講對考生的人數和族群變濟,通看出整個社會對學臺語的風氣有提高,不過對教育部這項考試的名稱,啥物時陣會當正名,老師也提出伊的看法。

搭這項考試的啥物時陣會當有家己的名,就愛看紲落來就愛看文化部開會結果如何,才通知影。

全台敬老金大調查

相關新聞