業者研發保麗龍分解.再利用技術 創造循環經濟 - 公視新聞網

業者研發保麗龍分解.再利用技術 創造循環經濟

海邊的養殖業者,定攏會運用大粒閣圓的保麗龍,落去飼蚵仔,毋過這也會造成環境的負擔,金門縣平均扯,一年就有二、三十噸,這款保麗龍的糞埽,今有科技公司,就開發出會當分解保麗龍的機械,尤其分解出來的成分,閣會當用來生產電腦用品。

共拄為沙晡抨轉來的保麗龍,囥入去這台分解機內面,保麗龍隨就分解。這是科技公司專門研發,會曉先共保麗龍絞予碎、過濾雜質、才閣分解溶劑的分解機。

中國福建沿海和金門外海養殖業者定利用這種大型發泡的保麗龍養蚵仔,不過保麗龍因為無法度回收,成做廢棄物,就按呢牢佇沙晡。金門縣平均一年就有二三十噸的保麗龍,這陣有這台分解機,金門縣政府拍算,兩年內就會使消敨這五年來,累積的保麗龍數量。

未來縣政府拍算配合淨灘活動,共這台機駛去海晡邊仔,隨佇現場分解,才閣將分解了後的溶劑送去工廠,做成電腦滑鼠和鍵盤,減少環境負擔,也創造循環經濟。

相關新聞

留言區