栽種土肉桂10年 顏金珠今年通過"產銷履歷"驗證

屏東長治的農民顏金珠,過去捌經營漢藥材的生理,十外冬前,開始落去種土肉桂,閣用心申請「產銷履歷」驗證,總算在今年,提著臺灣目前唯一的土肉桂的產銷履歷集體驗證。

顏金珠教人看這土肉桂葉仔敢有夠分、敢會使挽,伊講,拄開始伊叫是種土肉桂真簡單,想袂到煞有真濟學問。

因為土肉桂無啥人種,往過顏金珠若拄著問題,攏是家己揣資料,想辦法解決。為著欲予人客食著天然的土肉桂,伊猶閣堅持用自然農法去種。

種土肉桂超過十冬的顏金珠,因為了解土肉桂規欉攏是寶,有殺菌和防腐的效果,伊tsua̋n決定欲拚勢推廣土肉桂。

顏金珠毋但研發肉桂粉,猶閣有茶包和藥布,伊希望透過濟濟款的加工產品,通共土肉桂的好處推廣予愈濟人知。

九合一選戰解析