春雨少影響收成 塗豆當好價煞趁袂著
加入公視會員，
按讚收藏你關注的報導
發布時間：
更新時間：
這馬土豆當咧採收，毋過今年春雨較少，天氣燒熱，土豆減真濟，雖罔市場價數好，毋過收無土豆，價數閣較好，也無效。
收割機佇土豆田裡來來去去，農民無閒採收，今年因為春天雨落少，溫度懸，致使土豆發少，農民剾無土豆真無奈。
彰化縣伸港鄉的農民講今年土豆的價數雖罔比舊年加5箍，1斤會使賣到41，不過今年三分外的土地，只收五六百斤，量無濟。對農民來講，無土豆通出，行情閣叫好也無較怎。
土豆收轉來，就閣愛過挑，愛曝，真厚工，今年天氣䆀影響收成，遮靠天食飯的土豆農也只會當鼻仔摸咧，收外濟、賣外濟。
