恐怖! 中橫便道22.5公里處大崩山.崁過路

早起9點外,臺中市和平區「中橫便道」22點5公里遮,這搭的路段,發生嚴重的山崩,雙向的道路攏斷,現場到今猶有石頭對山頂落落來。
 
鏡頭中間,咱看著真濟塗石對山頂輾落來,有影是真驚人,這是臺中市和平區中橫便道「22.5公里」這截的路段,早起9時外,發生嚴重的山崩,佳哉無人車傷亡,到今猶有石頭對山頂落落來。公路總局已經調派機具到現場準備清理土石,按算明仔載下晡5點排除,恢復通行。和平警察分局呼籲民眾,最近定發生有感地動,山區道路較會有石頭輾落來、樹仔倒去。駛車入去山區,著細膩寬寬仔駛。
 




 

九合一選戰解析

相關新聞